’O Ccafè Lyrics'O llatte e' bbuono e 'a ciucculata e' ddoce
E pure 'a cammumilla bbene fa
Rinfresca l'orzo e 'o vino fa felice
E sulo ll'acqua 'a sete fa passa'
Ma 'nu milione 'e ggente 'e Napule comm'a mme
Nun vonno sape' niente e campano... co ccafe'
Ah! che bello 'o ccafe'!
Sulo a Napule 'o ssanno fa'
E nisciuno se spiega pecche'
È 'na vera specialità
Ah, ah, c'a ddore 'e ccafe'
Ca se sente pe' 'sta città
E 'o nervuso, nervuso comm'e'
Ogni tanto so vva a piglia'
Quanno nasce, tu siente 'o bebbe'
Ca dice: "Ngue ngue', 'nu poco 'e ccafe'!"
E ll'Inglese se scorda do tè
Si vene a sape' n'espresso che d'e'
Ah! che bello 'o ccafe'!
Sulo a Napule 'o ssanno fa'
E accussi' s'e' spiegato ppecche'
Ca pe' tutta jurnata
'Na tazza po' n'ata
S'accatta, se scarfa
E se veve 'o ccafe'
Pe' vevere 'o ccafe' se trova 'a scusa:
Io ll'offro a 'n'ato e 'n'ato ll'offre a me...
Nisciuno dice "no" pecche' e' n'offesa:
So' già sei tazze e so'nghe appena 'e ttre...
Ma mentre faccio 'o cunto, n'amico mme chiamma: "Ué
E fermate nu mumento e vevimmoce nu... ccafe'!"
Ah! che bello 'o ccafe'!
Sulo a Napule 'o ssanno fa'
E nisciuno se spiega pecche'
È 'na vera specialità
Ah, ah, c'a ddore 'e ccafe'
Ca se sente pe' 'sta città
E 'o nervuso, nervuso comm'e'
Ogni tanto so vva a piglia'
Comme nasce, tu siente 'o bebbe'
Ca dice: "Ngue ngue', 'nu poco 'e ccafe'!"
E ll'Inglese se scorda do tè
Si vene a sape' n'espresso che d'e'
Ah! che bello 'o ccafe'!
Sulo a Napule 'o ssanno fa'
E accussi' s'e' spiegato ppecche'
Ca pe' tutta jurnata
'Na tazza po' n'ata
S'accatta, se scarfa
E se veve 'o ccafe'...
Che bello... 'o ccafe'...
